සමාජ භූමිකා නිරූපණය කරන ඇය නොමැතිව මෙලොව කෙසේ පවතීද යන්න සිතා බැලිය වත් නොහැකිය. රැකගත යුතු සියල්ල නොරැකෙන මෙවන් කාල වකවානුවක යුක්තීන් හා අයිතිවාසිකම් පිළිබදව කථා කරන්නන් අවපාතයටද, කථා නොකරන්නන් අවලාදයටද ලක්වන ආකාරය හදුනාගත හැකිය. එවන් පසුබිමක ජාතික වශයෙන් කාන්තා අයිතිවාසිකම් ඉටු නොවන විට, ජාත්‍යන්තර වශයෙන් විසදුම් සෙවීමේ මාර්ගයක් ලෙස එක්සත් ජාතීන්ගේ කාන්තා අයිතිවාසිකම් සෙවීමේ කොමිසම විසින් වසර 30 ක පමණ කාලයක් තුලදී ගෙනයන ලද වැඩ පිළිවෙලක් හේතුවෙන් ජාත්‍යන්තරය පිළිගත් සීඩෝ ප්‍රඥප්තිය හදුන්වාදෙන ලදී.
යුනෙස්කෝ සංවිධානය විසින් වර්ෂ 1979- 12-18 වන දින කාන්තාවන්ට එරෙහිව සියලු ආකාරයේ වෙනස්කම් අහෝසි කිරීමේ පනතක් ලෙස මෙය හදුන්වාදුන් අතර මෙම පනත ක්‍රියාවට නංවන ලද්දේ වර්ෂ 1980- 09- 03 වන දින සිටය. ශ්‍රී ලංකාව තුල මෙම පනත ක්‍රියාත්මක වූයේ වර්ෂ 1981 ඔක්තෝම්බර් මස 05 වන දිනය.
යුනෙස්කෝ කාන්තාවන්ගේ තත්ත්යවය පිළිබදව කොමිසම පිහිටුවන ලද්දේ වර්ෂ 1946 වර්ෂයේදීය. මෙම කොමිසම මගින්
- කාන්තාවන්ගේ තත්ත්වය පරීක්ෂා කිරීම හා ඇගයීම
- කාන්තාවන්ගේ අයිතීන් උදෙසා කටයුතු කිරීම
මෙම කොමිසමේ වැඩ කටයුතු තුලින් කාන්තාවන්ගේ ජීවිතවල ඇති අසමානතා ගෙනහැර පාන ලදී. මෙම කොමිසමේ උත්සහය නිසා කාන්තා අයිතීන් පිළිබද ලොවට බිහිවුණු වැදගත්ම එමෙන්ම පරිපූර්ණවූ ලියවිල්ලක් ලෙස මෙම ප්‍රඥප්තිය හදුන්වාදිය හැකිය.
සීඩෝ ප්‍රඥප්තියේ වැදගත්වන කරුණු කිහිපයක්
- කාන්තාවන් උදෙසා ජාත්‍යන්තර අයිතීන් සමුදායක් කෙටුම්පත් කරයි.
- මානව හිමිකම් අතරට කාන්තා අයිතිවාසිකම් ගෙන එයි.
- මානව අයිතිවාසිකම් පිළිබද විශ්වාස සම්මත කරයි.
- ගරුත්වය හා මිනිසාගේ වටිනාකම් යන්නට බැදී සිටි.
- කාන්තාවන් හා පුරුෂයන් අතර සමානාත්මතාවය පිළිගනී.
- සමානාත්මතාව විග්‍රහ කරයි. සමානාත්මතාව ඇති කරගන්නා විධි පහදා දෙයි.
- රටවල කාන්තාවන්ට සමතැන දීමට ගතයුතු ක්‍රියාමාර්ග පැහැදිලි කරයි.
සීඩෝ ප්‍රඥප්තියේ පසුබිම
- සෑම මනුෂ්‍යයෙක්ම උපතින් සමානය.
- සෑම මනුෂ්‍යයෙක්ටම සමාන ගරුත්වය හා සමාන අයිතීන් ඇත.
- සෑම මනුෂ්‍යයෙකුටම අයිතීන් හා වරප්‍රසාද හිමිවෙයි.
එලෙස, ජාත්‍යන්තර ගිවිසුම් ගණනාවක් මෙසේ ප්‍රකාෂ කළද, කාන්තාවන් වෙනස්කම් රාශියකට මුහුණපාන බව හදුනාගත හැකිය. කාන්තාවට, පුරුෂයින්ට හා සමාන මානව අයිතිවාසිකම් හා දේශපාලනික, ආර්ථික, අාධ්‍යාපනය බුක්තිවිදීම අයිතිය,රජය නියෝජනය කිරීමේ අයිතිය,රැකිියා අයිතිය,සෞඛ්‍ය සේවා සදහා ඇති අයිතිය, ග්‍රාමීය කාන්තාවන්ගේ අයිතිවාසිකම්, නීතිමය සමානාත්මතාවය,විවාහ ජීවිතයේ හා පවුල් ජීවිතය තුල සමානාත්මතාවය පිළිබදව තොරතුරු අඩංගුව ඇත.
සීඩෝ ප්‍රඥප්තිය සදහා රටවල් 23 ක පිරිසක් අත්සන් කලයුතු අතර මෙම පිරිස රහස් ජන්දයක් පැවැත්වීම මගින් සිදුකරනු ලබයි. මේ සදහා විස්තර සියල්ලක්ම ප්‍රඥප්තියෙහි අන්තර්ගත වන අතර මෙම කමිටුවෙහි කාලසීමාව වසර 4 කී. සීඩෝ කමිටුවෙහි වැදගත්ම කාර්යභාරය වන්නේ ප්‍රඥප්තියේ වගකීම් ඉෂට කිරීමට විවිධ රජයන් දරන ප්‍රයන්ත හා ගන්නා ක්‍රියාමාර්ග සෝදිසි කිරීම හා ඒ පිළිබදව රටවලින් ඉදිරිපත් කෙරෛන වාර්ථා විමර්ෂණය කිරීමයි. මෙම පනතෙහි 05 වන කොටසෙහි දක්වා ඇති ආකාරයට ප්‍රඥප්තිය උදෙසා විශේෂ කමිටුවක් පිහිටුවීමේ බලතල ප්‍රඥප්තියට ඇත. මෙම කමිටුව කාන්තාවන්ට එරෙහිව සිදුවන වෙනස්කම් අහෝසි කිරීමේ කමිටුව වශයෙන් නම් දරයි. මෙය සීඩෝ කමිටුව යැයිද හදුන්වනු ලැබේ.
No comments:
Post a Comment