ඉහළ පෙළ හා පහළ පෙළ තනතුරු දරන හා තනතුරු නොදරන සියලු දෙනාම රාජකාරියට වාර්තා කරන්නේ තම ජීවිතය සාර්ථක කර ගැනීමට හා තම අවශ්‍යතා සපුරාගැනීම මෙන්ම ණය නොවී ජිවත් වීම සදහාය. තමා රාජකාරිය කරන ස්ථානය තුළ අවට පරිසරය රාජකාරිය කිරීමට තරම් සුදුසු ද නැද්ද යන්න රදාපවතින්නේ තමාගේ මානසිකත්ව ඊට ඔබින ලෙස සකස් වුවහොත් පමණි. වැඩ කරන පරිසරය තුළ තම ඉහළ නිලධාරියෙක් කෑ කෝ ගසමින් එකාදිපත් අයුරින් වැඩ කරයි නම් ඔහු හෝ ඇය පිලිබදව ආයතනයෙහි අනෙක් පුද්ගලයන් තුල මැවෙන ප්‍රතිරූපය පිලිබදව නැවත වතාවක් සිතාබලිම යහපත්ය. යම් අයෙක් නිවැරදිව, පලදායීව හා කාර්යක්ෂමව තම රාජකාරිය කරයි නම් එම ශබ්ධය එම තැනැත්තාට විශාල බාධාවක් හා කලකිරිමකී. එවැනි පරිසරයක සිත නිරවුල්ව තබාගෙන වැඩ කිරීමට අපහසුය.
තමා විසින් කරනු ලබන රාජකාරියට හා තම සේවා ස්ථානයට තමා අවංකව කටයුතු කරනවානම් තමාද එම රාජකාරිය නිසි ලෙස හා නිවැරදි වෙලාවට නිම කිරීමට දැනගත යුතුවන අතර. එය තමාගේ පෞර්ෂත්වය විදහාපාන කැඩපතක් බදුය. යම් කිසි ස්ථානයක තමාට තම දක්ෂතාවයට හා තම වටිනාකමට ඉඩක් නැතිනම් හෝ එම සේවය තමාට නොගැලපේ යැහි හැගේ නම් එම ස්ථානයෙන් ඉවත්වීමට දෙවතාවක් නොසිතිය යුතුය. මන්ද එවැනි තැනක තමාට තම රාජකාරියට සාදාරණයක් ඉටුකිරීමට නොහැකි වන නිසාය.
නමුත් අන් අය කුමක් කීවත් තමා පිලිබදව හා තමා එම රාජකාරිය පැවරු අනෙක් තැනත්තන්ට තමා පිලිබදව තබා ඇති විශ්වාසය තමා විසින්ම ආරක්ෂා කරගත යුතු අතර තම අරමුණට ඒවා අධාල නොකරගත යුතුය.
No comments:
Post a Comment